Hvað eru Sögur?

Við erum umvafin Sögum, þær eru í tónlistinni sem við hlustum á, leiknar á leiksviðum landsins, til sýninga í kvikmyndahúsum og sjónvarpi, í bókum sem við lesum og sögunum sem við segjum.
Sögur er samstarfsverkefni sjö stofnanna. Markmið verkefnisins er að auka áhuga barna á sögugerð á fjölbreyttu formi, sýna börnum að hverju hugmyndir þeirra geta orðið og upphefja þannig barnamenningu á Íslandi.
Frá 15. september til 30. nóvember geta börn í 3. - 7. bekk sent inn í flokkunum:

Í byrjun árs velja dómnefndir sigurverk í hverjum flokki sigurverk sem eru unnin áfram af fagfólki í samstarfi við börnin:

lag og texti er úsett af útsetjara og flutt af þekktu tónlistarfólki á verðlaunahátíðinni og gefið út á Spotify
leikritahandrit er unnið áfram og sett upp af Borgarleikhúsinu, leikarar eru nemendur á lokaári leiklistarskóla Borgarleikhússins
smásögur eru unnar áfram með ritstjóra og gefnar út í bókinni Risastórar smásögur
stuttmyndahandrit eru unnin áfram og fara í framleiðslu og sýningu hjá KrakkaRÚV.

Í apríl kjósa börnin það sem þeim finnst hafa skarað fram úr á sviði barnamenningar í kosningu Sagna.

Sögur – verðlaunahátíð barnanna er lokapunkturinn á þessu stóra samstarfsverkefni og fer fram að vori á RÚV ár hvert með pompi og prakt. Þar fá börnin sem eiga sigurverk svaninn, verðlaunagrip Sagna. Einnig er verðlaunað það menningarefni frá liðnu ári sem stóð uppúr hjá börnunum í kosningunni.

Hverjir standa á bakvið Sögur?

Borgarbókasafnið

Borgarbókasafnið starfrækir átta bókasöfn þar sem menning og mannlíf blómstrar.
Hvert og eitt safn hefur sína sérstöðu og sinn sjarma og því ættu öll að geta fundið
eitthvað við sitt hæfi og nýtt sér aðstöðuna sem í boði er. 
Borgarbókasafnið býður upp á fjölbreyttar smiðjur þar sem börn eru hvött til að skapa sín eigin verk sem þau geta sent inn í samkeppni Sagna.
Borgabókasafnið stendur á bak við bæði skipulagningu og húsnæðismál námskeiða Sagna.
Fulltrúi Borgarbókasafnsins í framkvæmdastjórn Sagna er Ingibjörg Ösp Óttarsdóttir, verkefnastjóri barna- og unglingastarfs.

Borgarleikhúsið

Í Borgarleikhúsinu starfar eitt elsta menningar-og leikfélag landsins, Leikfélag Reykjavíkur. Leikhúsið stendur fyrir öflugu barnastarfi og leggur áherslu á margvísleg samfélagstengd verkefni. Borgarleikhúsið starfrækir að auki leiklistarskóla fyrir börn á aldrinum 10-15 ára.

Borgarleikhúsið velur árlega tvö vinningshandrit úr leikritasamkeppni Sagna. Leikritin eru sett á svið af listamönnum sem starfa í leikhúsinu og mikill metnaður er lagður í sýninguna með ljósum, hljóði, búningum, leikmynd og leikmunum. Leikarar eru nemendur á lokaári Leiklistarskóla Borgarleikhússins.
Fulltrúi leikhússins í framkvæmdastjórn Sagna er Emelía Antonsdóttir Crivello, skólastjóri Leiklistarskóla Borgarleikhússins og verkefnastjóri fræðslu- og samfélagsverkefna.

Bókmenntaborg UNESCO

Reykjavík bókmenntaborg UNESCO snertir á öllum stærstu viðburðum í bókmenntalífi borgarinnar, liðsinnir nýjum höfundum og veitir hvort í senn ráðgjöf og stuðning vegna stakra og stærri, fjölþættari verkefna. Þá er öllum sem leggja stund á orðlist frjálst að leita til Bókmenntaborgarinnar, hvort sem þau hyggja á samstarf eða vilja leita sér upplýsinga.
Bókmenntaborg sér um að prenta sigursmásögurnar sem síðan eru senda heim
til höfunda og á skólabókasöfn þeirra.
Fulltrúi Bókmenntaborgarinnar í framkvæmdastjórn Sagna er Kjartan Már Ómarsson.

KrakkaRÚV

KrakkaRÚV býður upp á vandað barnaefni fyrir sjónvarp og útvarp.
Íslenskir þættir eins og Krakkafréttir og Skemmti- og fræðsluútvarp eru fáanlegir hjá KrakkaRÚV. Einnig býður KrakkaRÚV upp á úrval af teiknimyndum og fræðsluefni fyrir börn á öllum aldri.
KrakkaRÚV sér um að velja dómnefnd sem velur sigur stuttmyndahandritin og framleiðir þau. Stuttmyndirnar eru síðan aðgengilegar inn á vef krakkaRÚV. Krakkarúv sér einnig um kosningna sem fram fer á vorin og búa til kennslu- og fræðslumyndbönd fyrir Sögur. KrakkaRÚV framleiðir verðlaunahátíðina sem haldin er í júní ár hvert.
Fulltrúi RÚV í framkvæmdastjórn Sagna er Agnes Wild, teymisstjóri barna- og ungmennaþjónustu.

List fyrir alla

List fyrir alla er barnamenningarverkefni á forræði menningar- og viðskiptaráðuneytis. List fyrir alla er ætlað að velja og miðla listviðburðum til barna og ungmenna um land allt og jafna þannig aðgengi barna á grunnskólaaldri að fjölbreyttum og vönduðum listviðburðum óháð búsetu og efnahag. Höfuðáhersla er lögð á list fyrir börn og list með börnum.
List fyrir alla heldur utan um verkefnastjórn sem kemur að skipulagningu Sagna. Mörg þeirra listverkefna sem heimsækja grunnskóla heyra beint undir Sögur þar sem rit og myndhöfundar halda námskeið fyrir ungmenni og kennara og hvetja börn til að senda inn hugmyndir í Sögur.
Fulltrúi List fyrir alla í framkvæmdastjórn Sagna er Elfa Lilja Gísladóttir, verkefnastjóri og
Harpa Rut Hilmarsdóttir.

Miðstöð menntunar og skólaþjónustu

Miðstöð menntunar og skólaþjónustu stuðlar að framúrskarandi menntun
og farsæld barna og ungmenna með öflugum stuðningi og þjónustu við skóla um allt land.
Miðstöðin (áður Menntamálastofnun) hefur verið aðili að Sögum - samstarfi um barnamenningu allt frá upphafi og haft umsjón með og gefið út Risastórar smásögur með verðlaunasmásögum eftir börn á yngsta- og miðstigi grunnskóla. Útgáfan er unnin í samstarfi við rithöfunda barnabóka sem hafa tekið að sér að ritstýra ungu og efnilegu rithöfundunum og hjálpa þeim að gera góðar sögur betri.
Fulltrúi miðstöðvarinnar í framkvæmdastjórn Sagna er Guðbjörg R. Þórisdóttir sérfræðingur á sviði málþroska og læsis.

Skóla- og frístundastarf Reykjavíkurborgar

Skóla - og frístundarsvið Reyjavíkurborgar

Skóla og frístundasvið veitir börnum og fjölskyldum í borginni heildstæða þjónustu
og stuðlar að samfellu í öllu starfi sem hefur velferð barna að leiðarljósi. Leiðarljós skóla- og frístundasviðs er að börnum og ungmennum í borginni líði vel, fari stöðugt fram og að þau öðlist uppeldi og menntun fyrir líf og starf. Hlutverk sviðsins er að veita börnum og ungmennum bestu mögulegu tækifæri til leiks, menntunar og frístundastarfs í samvinnu við fjölskyldur og nærsamfélagið og að vera framsækið forystuafl í skóla- og frístundastarfi.
Skóla- og frístundastarf Reykjavíkurborgar sér um það sem snýr að fræðslu sagna, meðal
annars kennaranámskeiðum Sagna og samskipti við skólana sem snýr að fræðslu, námskeiðum og viðburðum.
Fulltrúi Reykjavíkurborgar í framkvæmdarstjórn Sagna eru Harpa Þorvaldsdóttir verkefnastjóri.

Verkefnastjóri Sagna

Verkefnastjóri sagna er Bryndís Guðjónsdóttir. Hún er sjálfstætt starfandi söngkona og er búsett á Íslandi. Bryndís starfar einnig í hlutastarfi í List fyrir alla og er söngkennari í Söngskóla Sigurðar Demetz.

Sem verkefnastjóri Sagna heldur Bryndís utan um öll samskipti milli samstarfsaðila Sagna. Hún hefur einnig umsjón með verðlaunahátíðinni í samvinnu við RÚV.
Sem verkefnastjóri sér hún einnig um úrvinnslu umsókna og tilnefninga og öll samskipti við umsækjendur og dómnefndar og svarar öllum fyrirspurnum á sogur.verkefnastjorn@gmail.com